Bezoekje

Hé mam.
Gggghhhffft
Hallo, nog ì lève?
Uhhh, mmmmhè?
Ja, tiet om bèij te komme!.
Oooo, K.., bis du dat!!
Nee, d'r pastoer.
Ach, herrgöttje nee,
Weet net of ze zo veul an dèm hast.
Alling?
Joa, ging begrafenis toch?
Woa haste ut uuver?
Dieng toekomst.
Bist du doa veur gekomme?
Nee, graat inne schlag ierder.
Ghhhhgrgrgr pffffffft
Hallo, sloape kennste straks genog
Ich bin muï.
Dat suun ich.
Lot mich.
Nee, hèj, doa bin ich net vuur gekomme.
Zzzzzzzzz
Kom op, wie geht ut dich?
Wat dinkste?
Ich dink net zo veul.
Ut is genog gewäest.
Spreeng oet ut vinster.
Kom ut bed netins oet.
Tja, zitste goat klem.
Saag dat waal.
Wat wilste nog?
Nieks mië. Mien rauw.
Kumt vazelf.
Het doert mich te lang.
Òt sië liekt mich niks.
Aste da mar wits.
Jaag tog jikkerinne weg.
Ginne loestert mië. Ze dont wat ze wille.
Dat zal wenne sië.
Huur op, estebleef.
Oké
Blieste lang?
Neuh, mörge wèr truk.
Kennste neet beter blieve?
Haste un planning da?
Vroag dat de angere.
Nee, ich driën wal um, wenn het nuudig is.
Gggggggr... mmmffffppm
Sterkte da, vier suunt os net mië.